یتیم کے مال کی حفاظت - سورہ النساء | Yateem ke maal ki hifazat - Surah An-Nisa

یتیم کے مال کی حفاظت - سورہ النساء

وَٱبْتَلُواْ ٱلْيَتَامَىٰ حَتَّىٰ إِذَا بَلَغُواْ النِّكَاحَ فَإِنْ آنَسْتُمْ مِّنْهُمْ رُشْداً فَٱدْفَعُواْ إِلَيْهِمْ أَمْوَالَهُمْ وَلاَ تَأْكُلُوهَآ إِسْرَافاً وَبِدَاراً أَن يَكْبَرُواْ وَمَن كَانَ غَنِيّاً فَلْيَسْتَعْفِفْ وَمَن كَانَ فَقِيراً فَلْيَأْكُلْ بِٱلْمَعْرُوفِ فَإِذَا دَفَعْتُمْ إِلَيْهِمْ أَمْوَالَهُمْ فَأَشْهِدُواْ عَلَيْهِمْ وَكَفَىٰ بِٱللَّهِ حَسِيباً ﴿٦﴾

اور آزماؤں یتیموں کو یہاں تک کہ جب پہنچیں جوانی کو تو اگر دیکھو ان سے دانائی تو واپس دے دو ان کو ان کے مال اور نہ کھاؤ ان کو فضول خرچی اور جلدی سے کہ کہیں بڑے نہ ہوجائیں اور جو دولت مند ہو تو اسے بچا رہنا چاہیے اور جو تنگدست ہو تو اسے کھانا چاہیے ساتھ نیکی کے پس جب واپس دو ان کو ان کے مال تو گواہ قائم کرلو ان پر اور کافی ہے اللہ حساب لینے والا﴿٦﴾

لِّلرِّجَالِ نَصيِبٌ مِّمَّا تَرَكَ ٱلْوَالِدَانِ وَٱلأَقْرَبُونَ وَلِلنِّسَآءِ نَصِيبٌ مِّمَّا تَرَكَ ٱلْوَالِدَانِ وَٱلأَقْرَبُونَ مِمَّا قَلَّ مِنْهُ أَوْ كَثُرَ نَصِيباً مَّفْرُوضاً ﴿٧﴾ 

مردوں کے لیے حصہ ہے اس سے جو چھوڑ جائیں والدین اور قریبی اور عورتوں کے لیے حصہ ہے اس سے جو چھوڑ جائیں والدین اور قریبی خواہ تھوڑا ہو یا بہت حصہ فرضی ﴿٧﴾

وَإِذَاحَضَرَٱلْقِسْمَةَ أُوْلُواْ ٱلْقُرْبَىٰ وَٱلْيَتَامَىٰ وَٱلْمَسَاكِينُ فَٱرْزُقُوهُمْ مِّنْهُ وَقُولُواْ لَهُمْ قَوْلاً مَّعْرُوفاً ﴿٨﴾ 

اور جب حاضر ہوں بوقتِ تقسیمِ وراثت قریبی اور یتیم اور مسکین تو کچھ اس سے ان کو دے دو اور کہو ان کو بات نیک ﴿٨﴾

وَلْيَخْشَ ٱلَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافاً خَافُواْ عَلَيْهِمْ فَلْيَتَّقُواّ ٱللَّهَ وَلْيَقُولُواْ قَوْلاً سَدِيداً ﴿٩﴾ 

اور ڈریں وہ لوگ جو اگر چھوڑیں اپنے پیچھے اولاد کمزور کہ ان کو ڈر ہو ان کے متعلق پس ڈریں اللہ سے اور کہیں بات دُرست ﴿٩﴾

إِنَّ ٱلَّذِينَ يَأْكُلُونَ أَمْوَالَ ٱلْيَتَامَىٰ ظُلْماً إِنَّمَا يَأْكُلُونَ فِى بُطُونِهِمْ نَاراً وَسَيَصْلَوْنَ سَعِيراً ﴿١٠﴾

 تحقیق جو لوگ کھاتے ہیں مال یتیموں کے ظلم سے یقیناً وہ بھرتے ہیں اپنے پیٹوں میں آگ اور جلیں گے بھڑکتی ہوئی آگ میں ﴿١٠﴾

یتیم کے مال کی حفاظت  ۔ سورہ النساء 

وَابْتَلُواالْیَتٰمٰی یعنی یتیم جب بالغ اوررشید ہوجائیں تو ان کو اپنے مال واپس کردیئے جائیں بلوغ کی علامتیں مرد کےلئے ہمارا علماءکے نزدیک پندرہ برس کی عمر احتلام یازیر ناف بالوں کا اگ آنا ہے ااوررشد سے مراد ہے کہ وہ سمجھدار ہوا اوراپنے مال کی نگہبانی کرسکتا ہو۔

وَمَنْ کَانَ غَنِیًّا مقصد یہ ہے کہاگرکسی کے پاس یتیم کا مال موجود ہے اوراس کے اپنے گذارہ کےلئے اس کا اپنا مال کافی ہے تو پھر یتیم کے مال کے کھانے سے گریز کرے لیکن اگر ایک شخص خود تنگدست ہے کہ اپنے مال مال سے اپنا گذارہ؛ نہیں کرسلتا اوریتیم کے مال کی حفاظت کےلئے اس نے اپنا وقت وقف کیاہوا ہے تو اسے نیکی اورانصاف سے اسی قدر اس میں سے کھانا جائز ہے جو اس کی مزدوری کا حق ہے نہ اس میں فضول خرچی کرے اورنہ ایسے تصرفات کرے جو زائد ازضرورت ہیں یتیم کے مال میں غلط تصرف کرکے اس کی مزدوری لینا بھی جائز نہیں جبکہ اسے معلوم ہو کہ یہ خود بڑا ہو کر ایسا کرنے پر راضی نہ ہوگا چنانچہ آیت مجیدہ میں اس کی صریح ممانعت موجود ہے۔ 

امام جعفر صادق علیہ السلام سے مروی ہے کہ جوشخص یتیم کے مال کی نگہداری کرتا ہے جس کی وجہ سے وہ اپنے لئے علیحدمزدوری نہیں کرسکتا تو وہ بقاضائے ا نصاف اس سے خود کھاسکتا ہے لیکن اگر یتیم کا مال برداشت نہ کرسکے تو محافظ کو اس میں سے کچھ لئے سے بچنا چاہیے۔ 

امام جعفر صادق اورامام موسی کاظم علیہم السلام سے مروی ہے کہ جوشخص یتیم کی زمین یاچوپائے وغیرہ کی حفاظت میں اپنا وقت لگائے تو اس میں سے خود بقدر حاجت کھاسکتا ہے لیکن اس کی نقدی یعنی درہم ودینار کی حفاظت کے بدلہ میں وہ کچھ نہیں لے سکتا کیونکہ اس میں اسکا وقت صرف نہیں ہوتا (برہان) ۔

علامہ طبرسی فرماتے ہیں کہ جوشخص خود محتاج وفقیر ہے تو یتیم کے مال کی دیکھ بھال کے سلسلہ مین خود بقدر حاجت کھاسکتا ہے لیکن نیت قرض کی کرے اوراس کے جوان ہونے کے بعد اس کو اپنا قرض واپس ادا کرے اوریہی حضرت امام محمد باقر علیہ السلام سے مروی ہے ۔ مجمع البیان۔ 

فَاِذَادَفَعْتُمْ یعنی جب یتیم بالغ ورشید ہوجائے تو اسے اپنا حق واپس کردیا جائے لیکن گواہ بلالینے ضروری ہیں تاکہ بعد میں جھگڑا وفساد کی نوبت نہ آئے یہ تدبیر منزل کےلئے وہ اہم قوانین ہیں جن کی اتباع کرنا دین ودنیا کی بھلائی کا موجب ہیں خداوندکریم نے یتیم پروری کا ایک ایسا بہترین نظام مقرر فرمایا جو کسی ملت میں شاید نہ مل سکے اوریہ اس کا کمال لطف ورحمت ہے اوریتیم پرور لوگوں کو چاہیے کہ یتیم کے احوال میں پوری احتیاط سے کام لیں اوراسکے استعمال سے دامن بچانے کی کوشش کریں چنانچہ معصومین کے فرامین کا یہی مطلب ہے۔ 

لِلِّرجَالِ نَصِیْب امام محمد باقر علیہ السلام سے مروی ہے کہ یہ آیت محکمہ ہے یعنی منسوخ نہیں ہے برہان )

وَاِذَاحَضَرَالْقِسْمَ اس آیت کے متعلق روایات میں اختلاف ہے کہ آیا یہ آیت منسوخ ہے یانہیں تو علمائے مفسرین نے ان میں اس طرح جمع کی ہے کہ جن روایات میں یہ ہے کہ منسوخ ہے تو مقصد یہ ہے کہ وجوب منسوخ ہے اورجوروایات عدم نسخ پر دلالت کرتی ہیں ان کا مقصد یہ ہے کہ دینا جائز بلکہ مستحب ہے

وَلْیَخْشَ الَّذِیْنَ یعنی جولوگ یتیموں کے اموال میں کوتاہی اورلاپرواہی سے کام لیتے ہیں انہیں اپنی اولاد کا خیال کرنا چاہیے پس جس طرح اپنی اولاد کے متعلق انہیں اپنے بعد کا ڈر ہوتا ہے لہذاان کی بھلائی سوچتے ہیں اسی طرح ان یتیموں کا درد بھی ان کے دلوں میں ہونا چاہیے جو اس وقت انکے زیر سائی اوران کی دستگیری کے محتاج ہیں

اِنَّ الَّذِیْنَ برہان میں جناب رسالتمابؐ سے مروی ہے کہ میں نے شب معراج دیکھ اکہ بعض لوگوں کے منہ سے آگ داخل ہو کر ان کے نیچے سے نکل جاتی ہے جبریلؑ  نے کہا یہ لوگ یتیموں کے مال کھانے والے ہیں ایک اورروایت میں ہے آپ نے فرمایا کہ یہ لوگ جب قبر سے نکلیں گے تو ان کے منہ سے آگ کے شعلے بھڑکتے ہوں گے

ایک روایت میں امام محمد باقر علیہ السلام نے فرمایا یتیم کے مال میں سے ایک درہم کھانے والاداخل جہنم ہوگا ورہم ہیں یتیم لہذا اس جگہ مال سے مرد خمس ہوگا۔

"Waibtalu al-yatama, ya'ni yateem jab baligh aur rashid ho jayain to unko apne maal waapas kardiyain. Balugh ki alaamaten mard ke liye hamara ulama ke nazdeek pandrah baras ki umr, ihtilam ya zeer naaf balon ka ug aana hai, aur rashid se murad hai ke woh samajhdar ho aur apne maal ki nigehbani kar sakta hai.

Wa man kaana ghaniyyan maqsad yeh hai ke agar kisi ke paas yateem ka maal maujood hai aur uske apne guzara ke liye uska apna maal kafi hai to phir yateem ke maal ke khane se gurez kare, lekin agar aik shakhs khud tangdast hai ke apne maal se apna guzara nahi kar sakta aur yateem ke maal ki hifazat ke liye usne apna waqt waqf kiya hai to use neki aur insaaf se usi qadr us mein se khana jaiz hai jo us ki mazdoori ka haq hai, na us mein fazool kharchi kare aur na aise tasarrufaat kare jo ziad az zaroorat hain. Yateem ke maal mein ghalat tasarruf karke us ki mazdoori lena bhi jaiz nahi hai. Jabke use maloom ho ke yeh khud bara ho kar aisa karne par razee nahi hoga, chunancha Aayat-e-Majeeda mein is ki saaf manaa'at mojood hai.

Imam Ja'far Sadiq alayhis salaam se marwi hai ke jo shakhs yateem ke maal ki nigehdaari karta hai jis ki wajah se woh apne liye alag mazdoori nahi kar sakta to woh baqza-e-ansaf us se khud kha sakta hai, lekin agar yateem ka maal bardasht nahi kar sakta to mahafiz ko us mein se kuch lena se bachna chahiye.

Imam Ja'far Sadiq aur Imam Musa Kazim alayhima as-salam se marwi hai ke jo shakhs yateem ki zameen ya chopaayi waghaira ki hifazat mein apna waqt lagata hai to us mein se khud baqadar hajat kha sakta hai, lekin us ki naqdi, ya'ni dirham aur dinar ki hifazat ke badle mein woh kuch nahi le sakta kyun ke is mein us ka waqt sirf nahi hota (Burhan).

Allama Tabarsi farmate hain ke jo shakhs khud mohtaj wa fuqara hai to yateem ke maal ki dekh bhaal ke silsile mein khud baqadar hajat kha sakta hai, lekin neeyat qarz ki kare aur us ke jawan hone ke baad use apna qarz wapas ada kare aur yehi Hazrat Imam Muhammad Baqir alayhis salaam se marwi hai (Majma al-Bayan).

Fa-iza haza fa'tum ya'ni jab yateem baligh aur rashid ho jaye to usse us ka haq wapas kar diya jaye, lekin gawah bulaline zaroori hain taake baad mein jhagra wa fasad ki nobat na aaye. Yeh tadbir manzil ke liye woh ahem qawanin hain jo ki itiba karne deen o dunya ki bhalai ka mojib hain. Khuda wand kareem ne yateem parwari ka aik aisa behtareen nizam muqarrar farmaya jo kisi milt mein shayad na mil sake aur yeh us ka kamal lutuf o rahmat hai aur yateem parwar logon ko chahiye ke yateem ke ahwal mein puri ihtiyat se kaam len aur us ke istemal se daman bachane ki koshish karen chunancha masoomin ke farmayesh ka yehi matlab hai.

Lilrrijaal naseeb Imam Muhammad Baqir alayhis salaam se marwi hai ke yeh aayat mukhmah hai ya'ni mansookh nahi hai (Burhan).

Wa-iza hadaral-qisam is aayat ke mutalliq riwayat mein ikhtilaf hai ke kya yeh aayat mansookh hai ya nahi to ulama-e-mufassireen ne in mein is tarah jama kiya hai ke jin riwayat mein yeh hai ke mansookh hai to maqsad yeh hai ke wajib mansookh hai aur jo riwayat eadam nasikh par dalalat karti hain un ka maqsad yeh hai ke dena jaiz balke mustahabb hai.

Wal-yakhsha allazeena ya'ni juloog yateemoun ke amwal mein kotaahi aur laparwahi se kaam lete hain unhein apni aulad ka khayal karna chahiye. Pas jis tarah apni aulad ke mutalliq unhein apne baad ka dar hota hai lehaza un ki bhalai sochte hain. Isi tarah yateemoun ka dard bhi un ke dilon mein hona chahiye jo is waqt unke zair saaye aur un ki dastgiri ke mohtaj hain.

Innal-lazeena burhan mein janaab risalatmaab se marwi hai ke mein ne shab-e-miraaj dekha ke baaz logon ke moun se aag daakhil ho kar un ke neeche se nikal jaati hai. Jibraeel alayhis salaam ne kaha yeh log yateemoun ke maal khaane wale hain. Aik aur riwayat mein hai aap ne farmaya ke yeh log jab qabr se niklen ge to un ke moun se aag ke shole bhadakte honge.

Aik riwayat mein Imam Muhammad Baqir alayhis salaam ne farmaya yateem ke maal mein se aik dirham khane wala daakhil jahannam hoga aur yehan yateem hain is liye is jagah maal se marz khams hoga.