پہلا امام برحق اور خلیفہ رسول بلافصل حضرت امیرالمومنین علی علیہ السلام | pehla imam barhaq khalifa bila fasal hazrat ameer almomnin ali alih al salam | khilafat o malookiat

تذکرت الخواص میں بھی ہے کہ جناب فاطمہ بنت اسد طواف کعبہ میں مشغول تھیں کہ آپ کو درد زہ پیدا ہوئی پس دیوار کعبہ شق ہوئی اور اندر داخل ہوئیں اور جوف کعبہ میں علی کی ولادت ہوئی مستدرک حاکم میں ہے کہ علی کی ولادت کعبہ میں تواتر کے ساتھ منقول ہے ۔ ج3۴ سنہ 483 دلائل الصدق –

” تذکرة الخواص “میں سبط بن الجوزی لکھتے ہیں کہ حضرت عبدالمطلب نے وفات سے پہلے حضرت ابو طالب کو اپنا وصی مقرر فرمایا اور رسول اللہ کے معاملہ میں رعایت کی انہیں بہت تاکید کی آگے چل کر لکھتے ہیں، ابوطالب نے رسول اللہ کی اور کفالت میں بہترین کردار اداکیاہمیشہ ان کے ساتھ رہتے اور تھوڑے وقت کے لئے بھی ان کو اپنے سے جدا نہ کرتے تھے اور آپ سے ان کو اس قدر والہانہ محبت تھی کہ اپنی اولاد سے بھی ان کوعزیز تر سمجھتے تھے اور اپنے پہلو میں ان کو سلاتے تھے اور عرض کیا کرتے تھے کہ بیٹا تمہارا چہرہ مبارک ہے حضرت عبدالمطلب کی وفات کے وقت آپ کی عمرآٹھ برس تھی اس وقت سے لے کر اعلان نبوت کے دس برس بعد تک آپ نے خدمت پیغمبر کا فریضہ اداکیا (۴۲ برس) ابن سعد نے واقدی سے نقل کیا ہے جب حضرت ابوطالب کی وفات کی اطلاع حضرت علی علیہ السلام نے حضور کو دی تو آپ بہت روئے اور حضرت علی کوحکم دیا کہ تجہیز وتکفین و تدفین کا یضہ ادا کرو ۔ خدان پر اپنی مغفرت نازل فرمائے عباس نے پوچھ لیا کہ ان کے لئے بھی مغفرت کی امید ہے ؟ تو آپ نے فرمایا ہاں بے شک خدا کی قسم مجھے اس کی بخشش کی توقع ہے اور رسول اللہ کئی روز حضرت ابوطالب کے لئے دعا واستغفار کرتے رہے ۔ (تذکرة الخواص )